“Сэтгэцийн эрүүл мэнд 2024” хоёрдугаар чуулган

2024 оны 10 дугаар сарын 15,16-ны өдрүүдэд Улаанбаатар хотноо зохион байгуулагдсан тус хуралд Монгол улсын 21 аймаг, 9 дүүргийн эрүүл мэндийн байгууллага, төрийн болон төрийн бус байгууллага, их дээд сургуулийн төлөөлөл эрдэмтэн, судлаач, эмч, сэтгэл зүйч  зэрэг 500 гаруй мэргэжилтэн оролцсон. Хурлын хүрээнд сэтгэцийн эрүүл мэндийн бодлого, үйлчилгээний хүртээмж, хүүхэд өсвөр үеийн сэтгэцийн эрүүл мэнд, донтолт, сэтгэл гутрал, нойрны эмгэг зэрэг сэдвүүдээр илтгэл, хэлэлцүүлгүүд зохион байгуулагдсан.

Сэтгэцийн эрүүл мэнд 2025 олон улсын эрдэм шинжилгээний тайлан татах

"Архинд донтох эмгэгээр өвчилсөн иргэдийг эмчлэх салбар дундын цогц арга хэмжээний хүрээнд хэрэгжүүлэх үйл ажиллагаа”-ны хүрээнд зохон байгуулсан арга хэмжээний тайлан татах

Тамхины үнэнийг илчилье арга хэмжээний тайлан татах

“СЭТГЭЦИЙН ЭРҮҮЛ МЭНД 2026” ОЛОН УЛСЫН ЭРДЭМ ШИНЖИЛГЭЭНИЙ ХУРАЛ

 Дэлхий нийтэд жил бүрийн 10 дугаар сарын 10-ны өдрийг Дэлхийн сэтгэцийн эрүүл мэндийн өдөр болгон тэмдэглэдэг. Уг тэмдэглэлт өдрийг тохиолдуулан Эрүүл мэндийн яам, Сэтгэцийн эрүүл мэндийн үндэсний төв, Нийслэлийн Аддиктологийн төв, Монголын сэтгэцийн эрүүл мэндийн үндэсний нийгэмлэг, Монголын Нейросайнсын нийгэмлэг, Анагаахын шинжлэх ухааны үндэсний их сургуулийн Сэтгэцийн эрүүл мэндийн тэнхим, Монгол улсын боловсролын их сургууль хамтран “Гамшиг, онцгой нөхцөл байдлын үеийн сэтгэцийн эрүүл мэндийн тусламж үйлчилгээний хүртээмжийг сайжруулья” уриан дор салбар дундын уулзалт, эрдэм шинжилгээний хурлыг 2026 оны 09 дүгээр сарын 17,18-ны өдөр зохион байгуулахаар төлөвлөж байна. Иймд эрүүл мэндийн салбарын эмч, мэргэжилтэн, судлаач, ажилтан та бүхэн:

  Хүүхэд, өсвөр үеийнхний сэтгэцийн эрүүл мэнд 

  Тархи судлал 

  Сэтгэл судлал

  Сэтгэцийн эмгэг судлал ба донтох эмгэг судлал 

гэсэн чиглэлийн дагуу эмнэл зүйн тохиолдол, эрдэм шинжилгээ, судалгааны ажлын үр дүн бүхий товч хураангуйг зар дээрх “Илтгэлд тавигдах шаардлага”, “Эрдэм шинжилгээний өгүүлэл хүлээн авах” QR кодыг уншуулан танилцаж, 2026 оны 08 дүгээр сарын 11-ний өдрийн 10:00 цагаас өмнө ирүүлнэ үү.

 Хамрах хүрээ: Монгол Улсын эрүүл мэндийн салбарын бүх шатлалын эмнэлэг, төвүүд, анагаах ухааны академи, эрүүл мэндийн салбарын эмч, эмнэлгийн мэргэжилтэн бэлтгэдэг их дээд сургуулиуд, эрдэм шинжилгээний байгууллагууд, багш, эрдэмтэн судлаачид.

 Эрдэм шинжилгээний хуралтай холбоотой тодруулах зүйл байвал research.mncmh@gmail.com хаягаар холбогдоно уу.