Анагаахын Шинжлэх Ухааны Үндэсний Их Сургуулийн Эрдмийн зөвлөл 2019 оны 09 сарын 25-ны өдөр хуралдан “Эрдмийн ба мэргэжлийн цол олгох журам”-ын дагуу хэлэлцэж,  “Профессор”,   “Дэд профессор” цол олгов. Салбар сургуулиудын Эрдмийн зөвлөлөөс шалгарсан  12  эрдэмтэн  профессор цолонд дэвшсэнээс 3  эрдэмтэн,   21  эрдэмтэн дэд профессор  цолонд дэвшсэнээс  2 эрдэмтэн нийт гишүүдийн  75%-аас дээш санал авч цол авав.

Ийнхүү Манай СЭМҮТ-ийн Ерөнхий захирал, АУ-ны доктор, дэд профессор Л.Насанцэнгэл нь    “Профессор” цол хүртэв.    Л.Насанцэнгэл нь  ном,  нэг сэдэвт зохиол, гарын авлага,   гадаад дотоодын  эрдэм шинжилгээний  илтгэл өгүүлэл зэрэг  нийт 190 гаруй бүтээлтэй, сэтгэцийн  эрүүл мэндийн салбартаа л гэхэд 2 докторын ажил, 2 магистрын  ажил удирдаж хамгаалуулжээ. Мөн түүнчлэн “ Монгол улс дахь зонхилон тохиолдох сэтгэцийн эмгэгийн тархалт”, “Цус ойртолт- оюуны хомсдолын  хамаарал”, “Шизофренийн генийн судалгаа”,  “Өсвөр насныхны сэтгэл хөдлөл, зан үйлийн судалгаа” зэрэг Улсын хэмжээний  4 том эрдэм шинжилгээний судалгааг  удирдан ажилласан байна.

 

Ерөнхий захирал, АУ-ны доктор,  профессор Л.Насанцэнгэл таньд хамт олныхоо нэрийн өмнөөс баяр хүргэж, эрдэм судлалын ажилд нь улам өндөр амжилт хүсье.

 

СЭМҮТ-ийн  Нийгмийн эрүүл мэнд, эрдэм шинжилгээ, сургалт,   мэдээллийн технологийн албаны хамт олон   

Сошиалд хуваалцах: